HANYOYIN TARBIYA(2)

-

Karkashin dasa kyakkyawar akidah ga yaro,kamar yanda muka sani cewa son Allah yana tare da son Annabi (SAW) ne don haka kai mai tarbiya ka sani cewa dole ne ka cika zuciyar yaronka da son Annabi(SAW). Saboda son Annabi (SAW)yana cikin cikar imani. Annabi (SAW) ya ce"لا يؤمن احدكم حتى اكون احب اليه من والده وولده والناس اجمعين" fassara,"Imanin dayanku ba zai cika ba har sai na kasance nine mafi soyuwa gare shi akan 'ya'yansa da mahaifansa kai da ma mutane gaba daya. To amma ta wace hanya za mu bi mu dasa son Annabi(SAW)a cikin zukatan 'ya'yanmu.
1. Karantar da su tarihin Annabi(SAW) da yi musu bayanin cewa an aiko shi ne don fitar da mu daga duhun jahilci zuwa ga shiriya kuma shi rahama ne gare mu kamar yanda kurani ya yi bayani.
2. Fitar musu da halayen Annabi(SAW) daga tarihinsa da kurani da yi musu bayanin shi ne mafificin halitta don haka shi ne abun koyi a gare mu.
3. Yi musu bayani a kan muujizojinsa
4. Yi musu bayani a kan muamalarsa da yara da tausayinsa a gare su
5. Karantar da su irin soyayyar da sahabbai suke masa da girmama shi
6. Karantar da su hadisansa
7.koyar da su yawan salati gare shi(SAW)
  Amma fa duk wannan zai kasance ta hanyoyi masu kwadaitarwa da kuma sa hikima a wurin isar da sakon ba kawai katantawa a fassara ba,kuma ya kamata a yayin isar da sakon a kula da shekarun yaro da hankalinsa ta yadda zai iya fahimta.
  Suma sauran annabawa haka zaa fahimtar da yaro girmansu da bayani akan son Annabi (SAW) yana tare da son su.
  Haka Sahabban Annabi (SAW),su ma a karantar da yaro tarihinsu da gwagwarmayar da suka sha wurin taimaka masa da bayani akan girmansu da darajarsu kamar yanda kurani da hadisai suka tabbatar.
Haka ma zaa ci gaba da koyar da yaro sauran rukunan imani sallah azumi yarda da kaddara da sauransu.
Mu hadu a fitowa ta gaba In sha Allah

Comments

Post a Comment

Popular posts from this blog

HANYOYIN TARBIYA(1)

-
HANYOYIN DA SUKA DACE KA DORA YARONKA AKANSU DON KYUTATA TARBIYARSA DASA SHI A KAN AKIDA TA KWARAI:   Annabi(SAW) yana cewa “ما من مولود إلا يولد على الفطرة فأبواه يهودانه أو ينصرانه أويمجسانه” Fassara:”ba wani yaro da ake haihuwa face yana akan fidrah(akidah ta kwarai) sai dai iyayensa su maida shi bayahude ko kirista ko bamaguje” Da wannan hadisi ne nake cewa ya kai mai tarbiya dole ne ka jajirce wurin kiyaye wannan fidrah da yaro ya akanta,don idan ka yi sake har ya fada zuwa ga wata mummunar akidah to lallai Allah zai tambaye ka ranar lahira. Annabi(SAW) yana cewa:”كلكم راع وكلكم مسؤول عن رعيته” Fassara:”dukkaninku makiyaya ne kuma kowannenku zaa tambaye shi akan abun kiwonsa”. Wace hanya ce ya kamata ka bi kai mai tarbiya don dasa yaronka a kan akida ta kwarai? Tun farko dai ya wajaba samo masa uwar kwarai wacce ta ginu akan karantarwa ta addini sannan kuma ta koshi da akida ta kwarai Dole ne kiyaye ladubban kwanciya(jimaii) da gabatar da shi akan ka...
Read more

HANYOYIN TARBIYA(4)

-
3.Tarbiyantar da yaro a kan kyawawan halaye: Lallai tarbiyantar da yaro a kan dabiu na kwarai yana daga cikin abunda addinin musulunci ya yi umurni da shi saboda muhimmancin hakan ga mutum da kuma rayuwar alumma. Samar da 'ya'ya na gari ya kan samar da ci gaba ga alumma da kuma  samun makoma mai kyau ga wanda ya sifantu da su. Siffantuwa da kyawawan halaye abu ne mai girma wanda dalilin hakan Allah madaukakin sarki ya yabi Annabinsa(SAW) a kuraninsa mai tsalki inda yake cewa:"وانك لعلى خلق عظيم"fassara "lallai kana a kan halaye masu girma" wato kyawawan halaye. Haka Annabi(SAW) yana cewa a cikin hadisi:"بعثت لأتمم مكارم الاخلاق" fassara "an aiko ni don in cika kyawawan halaye". Wato kyawawan dabiu su ne babban sakon da musulunci yake dauke da shi. Shi ya sa yake daga cikin alamar musulmi na kwarai siffantuwa da halaye na kwarai. Addinin musulunci gaba dayan shi yana misaltuwa ne a cikin kyawawan dabiu kuma imani kansa yana bayyna ta hany...
Read more

HANYOYIN TARBIYA(3)

-
2. Ba wa yaro nagartaccen ilimi: Allah madaukakin sarki a cikin kuraninsa mai tsalki yana cewa"هل يستوي الذين يعلمون والذين لا يعلمون" fassara "shin wadanda suke da  ilimi suna dai dai da wadanda ba su da shi" tabbas ba za su yi daidai ba. Ilimi shi ne mabudin rayuwa duk girman mutum da hankalinsa in ba ya da ilimi za ka ga yana da nakasu(tawaya). To shi ya sa kai me tarbiya za ka jajirce don dora yaronka akan hanyar neman ilimi tun yana karami. Ka samar mishi makaranta ta kwarai wacce take bada nagartaccen ilimi da nagartacciyar tarbiya. Dole ne ka kula da hannun wa za ka danka yaronka. Wasu iyaye saboda kwadayin yaro ya koyi turanci za ka ga sun kai shi makarantar arna inda baa ma kula da addini ba balantana kuma tarbiyarsa.koyon yare irin turanci da wasu yaruka yana da babban amfani ga mutum kamar yanda Annabi (SAW) ya kwadaitar amma sai mutum ya bi ta hanyar da ta dace wacce zai kare yaronsa daga koyon wata akida wacce ba ta dace da akidar musulunci ba.   Ilim...
Read more