BUKATA TA BIU

-

Yaro yana bukatar ya samu natsuwa da yarda: Iyaye suna yin wasu kurakurai a gaban yara wanda hakan yakan sa su cikin hali na rashin natsuwa da jin dadi da rashin yarda,daga cikin wadannan kurakuran akwai:
1. Matsalolin rayuwa da suke faruwa tsakanin iyaye ko yan uwa bai kamata ana bari yara suna ji ko gani ba. Amma matsalar da ake samu sai ka ga iyaye ba sa kula da wannan, ka ga uba ya fito tsakar gida gaban 'ya'ya yana ciwa uwarsu mutunci wata kil har da zagi,wannan yakan sa yaro cikin rashin natsuwa da jin dadi da rashin yarda da tsaoro,don haka ya kamata idan aka samu irin wadannan matsaloli ayi kokarin warware su ba tare da sanin yara me ke faruwa tsakanin iyaye ko yan uwa ba.
2. Ba da yaro reno na tsawon lokaci,wato ya kasance ba ya tare da uwarsa tsawon lokaci,wannan zai sa shi cikin rashin natsuwa da rashin yarda da tsoro musamman idan wurin renon baa kula da shi yanda ya kamata.
3. Rashin samun hanya tabbatacciya wurin muamala da yaro, a rika juya shi kamar kwallo,uwa ta ce aa uba ya ce eh ko akasin haka sai yaro ya rasa menene daidai a cikin maganar iyayen sai ya shiga cikin damuwa da rashin natsuwa. Ya kamata iyaye su yi yarjejeniya wurin tarbiyar yaronsu maganarsu ta zama daya akan yaronsu don ya gane inda zai dosa.
4. Sakaci wurin tarbiyar yaro yakan haifar masa da rashin saiti a rayuwarsa kuma wannan zai sa mutane  su tsane shi wanda hakan zai haifar masa da damuwa da rashin natsuwa da yarda.
Hanyoyin da ya kamata in bi don samarwa yarona natsuwa da jin dadi da yarda:
1. Amfani da hanya ta tausayawa da natsuwa yayin muamala da yaro musammam idan ya yi laifi,wannan ba zai hana in yi masa fada ba amma idan zan yi masa fadan in yi cikin natsuwa ba tare da tada jijiyoyin wuya ba,kar in yarda in muzguna masa ko in dizga shi musamman a cikin mutane,in tuna cewa shi mutum ne yana da feelings.
2. In yarona ya yi kuskure in bi hanyar da ta dace in ladabtar da shi,hanyar da za ta taimaka masa don ya gyara kuskuren,kar in yarda in ladabtar da shi kawai don ya bata min rai ba wai don gyaran kuskure ba,saboda daman ana ladabtar da yaro ne don gyara ba don daukar fansa ba.
3. Kokarin samar masa abubuwan da za su faranta masa rai wadanda za su samar masa natsuwa irin kayan wasa masu amfani,kissoshi, da sauransu,amma fa a guji ba wa yaro waya da computer musamman barin sa a kansu lokaci mai tsawo haka ma kallace kallacen banza a gaban TV don hakan yakan bata masa kwakwalwa ya haifar masa da aladun banza.
4. Ya kamata gaba daya iyalin gidan su yi kokarin samarwa kansu yanayi na walwala da farin ciki saboda yaronsu ya samu natsuwa da jin dadi a cikin gidan. Kada a yarda a bari gida ya zama ba abunda ke cikinsa sai fada da duka duk wanda ya fi wani karfi ya buge.
5. Sanya dokoki a cikin gida wanda kowa zai sansu kuma dole ya bi su,saboda idan yaro bai fahimci dokan gida ba zai ta yin abubuwa ne barkatai ku kuma manya ku yi ta hana shi kuna fada da shi sai wannan ya haifar masa damuwa da rashin natsuwa.
6. Kokarin adalci wurin muamala da yaranku,kar a yarda a fifita wani akan wani,domin shi wanda yake an fifita wani a kansa zai shiga cikin damuwa da rashin natsuwa kuma hakan yakan haifar da kiyayya tsakanin yan uwa.
7. A yi kokarin janyo yaro a jiki da kuma kokarin fahimtar damuwarsa idan aka ga ya shiga cikin damuwa da rashin jin dadi da sakewa.
Mu hadu a fitowa ta gaba In sha Allah.

Comments

Post a Comment

Popular posts from this blog

HANYOYIN TARBIYA(1)

-
HANYOYIN DA SUKA DACE KA DORA YARONKA AKANSU DON KYUTATA TARBIYARSA DASA SHI A KAN AKIDA TA KWARAI:   Annabi(SAW) yana cewa “ما من مولود إلا يولد على الفطرة فأبواه يهودانه أو ينصرانه أويمجسانه” Fassara:”ba wani yaro da ake haihuwa face yana akan fidrah(akidah ta kwarai) sai dai iyayensa su maida shi bayahude ko kirista ko bamaguje” Da wannan hadisi ne nake cewa ya kai mai tarbiya dole ne ka jajirce wurin kiyaye wannan fidrah da yaro ya akanta,don idan ka yi sake har ya fada zuwa ga wata mummunar akidah to lallai Allah zai tambaye ka ranar lahira. Annabi(SAW) yana cewa:”كلكم راع وكلكم مسؤول عن رعيته” Fassara:”dukkaninku makiyaya ne kuma kowannenku zaa tambaye shi akan abun kiwonsa”. Wace hanya ce ya kamata ka bi kai mai tarbiya don dasa yaronka a kan akida ta kwarai? Tun farko dai ya wajaba samo masa uwar kwarai wacce ta ginu akan karantarwa ta addini sannan kuma ta koshi da akida ta kwarai Dole ne kiyaye ladubban kwanciya(jimaii) da gabatar da shi akan ka...
Read more

HANYOYIN TARBIYA(4)

-
3.Tarbiyantar da yaro a kan kyawawan halaye: Lallai tarbiyantar da yaro a kan dabiu na kwarai yana daga cikin abunda addinin musulunci ya yi umurni da shi saboda muhimmancin hakan ga mutum da kuma rayuwar alumma. Samar da 'ya'ya na gari ya kan samar da ci gaba ga alumma da kuma  samun makoma mai kyau ga wanda ya sifantu da su. Siffantuwa da kyawawan halaye abu ne mai girma wanda dalilin hakan Allah madaukakin sarki ya yabi Annabinsa(SAW) a kuraninsa mai tsalki inda yake cewa:"وانك لعلى خلق عظيم"fassara "lallai kana a kan halaye masu girma" wato kyawawan halaye. Haka Annabi(SAW) yana cewa a cikin hadisi:"بعثت لأتمم مكارم الاخلاق" fassara "an aiko ni don in cika kyawawan halaye". Wato kyawawan dabiu su ne babban sakon da musulunci yake dauke da shi. Shi ya sa yake daga cikin alamar musulmi na kwarai siffantuwa da halaye na kwarai. Addinin musulunci gaba dayan shi yana misaltuwa ne a cikin kyawawan dabiu kuma imani kansa yana bayyna ta hany...
Read more

HANYOYIN TARBIYA(3)

-
2. Ba wa yaro nagartaccen ilimi: Allah madaukakin sarki a cikin kuraninsa mai tsalki yana cewa"هل يستوي الذين يعلمون والذين لا يعلمون" fassara "shin wadanda suke da  ilimi suna dai dai da wadanda ba su da shi" tabbas ba za su yi daidai ba. Ilimi shi ne mabudin rayuwa duk girman mutum da hankalinsa in ba ya da ilimi za ka ga yana da nakasu(tawaya). To shi ya sa kai me tarbiya za ka jajirce don dora yaronka akan hanyar neman ilimi tun yana karami. Ka samar mishi makaranta ta kwarai wacce take bada nagartaccen ilimi da nagartacciyar tarbiya. Dole ne ka kula da hannun wa za ka danka yaronka. Wasu iyaye saboda kwadayin yaro ya koyi turanci za ka ga sun kai shi makarantar arna inda baa ma kula da addini ba balantana kuma tarbiyarsa.koyon yare irin turanci da wasu yaruka yana da babban amfani ga mutum kamar yanda Annabi (SAW) ya kwadaitar amma sai mutum ya bi ta hanyar da ta dace wacce zai kare yaronsa daga koyon wata akida wacce ba ta dace da akidar musulunci ba.   Ilim...
Read more