BUKATA TA UKU (2)

-

Hanyoyin da zan bi don in tabbatar wa yarona siafar yabo da karfafawa a cikin zuciyarsa:
1. Kula da kokarin da yaro yake yi komai karancinsa,kuma in kiyaye sosai duk abunda yaro ya yi na kwarai in nuna farin ciki akai da yabawa. Amma dai malaman tarbiya sun nuna aikin ake so a yaba shi kuma yaron a yabi kokarinsa. Misali yaro ya ci abinci bai zubar ba in ce masa masha Allah yau kam ba ka warwatsar da abinci a kasa ba hakan yana da kyau kuma  ka yi kokari,kun ga nan na yabi aikin kuma na yabi yaron don na nuna ya yi kokari. Wannan yakan sa mishi farin ciki da kuma karfafa guiwarsa.

Amma matsalar da ake samu a wajen iyaye ita ce mafi yawan lokaci anfi kula da laifukan da yaro yake yi sabanin kokarin da yake yi. Misali jiya ya ci abinci ya zubar kika yi ta fada da tada jijiyoyin wuya,yau kuma sai ya ci bai zubar ba kawai aka dauke kwanon aja wuce wurin ba tare da an ce komai ba. Don Allah akwai adalci a hakan. To wai ma ya zaa yi ya gane rashin zubarwar abu ne mai kyau. Wani yaron ma da yake da kaifin hankali zai fahimci matsalar ba wai zubar da abincin ne ba kawai ba kya son ya saki aiki ne musamman ma in shi a zai iya sharewa ba, kin san kuwa tunanin haka zai haifar masa da son kai tare da wasu dabiu da ke ba ki ma yi tunani akansu ba. Mu muke bata yayanmu da kanmu mu dasa mudu miyagun dabiu ba tare da mun sani ba kuma muna nan muna ta kurin muna ba su tarbiya.
2. Idan kika gaa yaro yana kokarin yin wani abu yi kokari ki taimaka masa da yaba masa da karfafa masa guiwa ko da kuwa bai iya ba. Ba don komai ba sai don hakan ya taimaka masa wurin ci gaba da yi din har y koya ya iya. Domin idan ba ki karfafa shi ba kika kwatse shi kika karbe daga hannunsa kika ce masa don Allah gafara kai komai ba ka iya ba,zai sa masa bacin rai da kunci ya kima karya masa guiwa ya hana shi koya saboda tsoron kar ace bai iya ba, kuma wannan yakan kashe wa yaro ruhin fasaha da kwazo. Idan ma kika ga yana ta yi bai iya ba kuma yana ta so ya iya ki karba ki koya masa maimakon kwatsewa da dizgawa.
3. Idan yaro ya yi abun kwarai to fa in zaki yaba dole fa ki tabbatar da yabon nan daga zuciyarki ya fito wato ya zama da gaske kike yi ba wai kawai irin kar ya ce ba ki yaba ba,aa yara suna da kaifin basira za su gane ba da gaske kike yi ba.
4. Kada a wuce gona da iri wurin yabon yaro musamman gaban mutane saboda wannan zai iya haifar masa da girman kai da alfahari.
5. Yabawa yaro ga abunda ya yi na kokarinsa a lokacin da ya yi abun kar ki yarda ki fita batun abun har wani lokaci sannan ki yi commen,misali yaro ya zana wani abu ya sheko da gudu yana murna yana jin dadi ya kawo miki don ganin kokarin da ya yi to ya kamata a wannan lokacin ki nuna appriciating naki da comment akai. Kada ki yarda ki kore shi ki ce masa ba ka ga ina aiki ba ko ina da baki ba aa sam don wannan zai karya masa guiwa.
Mun hadu a fitowa ta gaba In sha Allah

Fatima Bello D/malam
Kundin Tarbiya
9/11/2019

Comments

Post a Comment

Popular posts from this blog

HANYOYIN TARBIYA(1)

-
HANYOYIN DA SUKA DACE KA DORA YARONKA AKANSU DON KYUTATA TARBIYARSA DASA SHI A KAN AKIDA TA KWARAI:   Annabi(SAW) yana cewa “ما من مولود إلا يولد على الفطرة فأبواه يهودانه أو ينصرانه أويمجسانه” Fassara:”ba wani yaro da ake haihuwa face yana akan fidrah(akidah ta kwarai) sai dai iyayensa su maida shi bayahude ko kirista ko bamaguje” Da wannan hadisi ne nake cewa ya kai mai tarbiya dole ne ka jajirce wurin kiyaye wannan fidrah da yaro ya akanta,don idan ka yi sake har ya fada zuwa ga wata mummunar akidah to lallai Allah zai tambaye ka ranar lahira. Annabi(SAW) yana cewa:”كلكم راع وكلكم مسؤول عن رعيته” Fassara:”dukkaninku makiyaya ne kuma kowannenku zaa tambaye shi akan abun kiwonsa”. Wace hanya ce ya kamata ka bi kai mai tarbiya don dasa yaronka a kan akida ta kwarai? Tun farko dai ya wajaba samo masa uwar kwarai wacce ta ginu akan karantarwa ta addini sannan kuma ta koshi da akida ta kwarai Dole ne kiyaye ladubban kwanciya(jimaii) da gabatar da shi akan ka...
Read more

HANYOYIN TARBIYA(4)

-
3.Tarbiyantar da yaro a kan kyawawan halaye: Lallai tarbiyantar da yaro a kan dabiu na kwarai yana daga cikin abunda addinin musulunci ya yi umurni da shi saboda muhimmancin hakan ga mutum da kuma rayuwar alumma. Samar da 'ya'ya na gari ya kan samar da ci gaba ga alumma da kuma  samun makoma mai kyau ga wanda ya sifantu da su. Siffantuwa da kyawawan halaye abu ne mai girma wanda dalilin hakan Allah madaukakin sarki ya yabi Annabinsa(SAW) a kuraninsa mai tsalki inda yake cewa:"وانك لعلى خلق عظيم"fassara "lallai kana a kan halaye masu girma" wato kyawawan halaye. Haka Annabi(SAW) yana cewa a cikin hadisi:"بعثت لأتمم مكارم الاخلاق" fassara "an aiko ni don in cika kyawawan halaye". Wato kyawawan dabiu su ne babban sakon da musulunci yake dauke da shi. Shi ya sa yake daga cikin alamar musulmi na kwarai siffantuwa da halaye na kwarai. Addinin musulunci gaba dayan shi yana misaltuwa ne a cikin kyawawan dabiu kuma imani kansa yana bayyna ta hany...
Read more

HANYOYIN TARBIYA(3)

-
2. Ba wa yaro nagartaccen ilimi: Allah madaukakin sarki a cikin kuraninsa mai tsalki yana cewa"هل يستوي الذين يعلمون والذين لا يعلمون" fassara "shin wadanda suke da  ilimi suna dai dai da wadanda ba su da shi" tabbas ba za su yi daidai ba. Ilimi shi ne mabudin rayuwa duk girman mutum da hankalinsa in ba ya da ilimi za ka ga yana da nakasu(tawaya). To shi ya sa kai me tarbiya za ka jajirce don dora yaronka akan hanyar neman ilimi tun yana karami. Ka samar mishi makaranta ta kwarai wacce take bada nagartaccen ilimi da nagartacciyar tarbiya. Dole ne ka kula da hannun wa za ka danka yaronka. Wasu iyaye saboda kwadayin yaro ya koyi turanci za ka ga sun kai shi makarantar arna inda baa ma kula da addini ba balantana kuma tarbiyarsa.koyon yare irin turanci da wasu yaruka yana da babban amfani ga mutum kamar yanda Annabi (SAW) ya kwadaitar amma sai mutum ya bi ta hanyar da ta dace wacce zai kare yaronsa daga koyon wata akida wacce ba ta dace da akidar musulunci ba.   Ilim...
Read more