KYAKKYAWAR MUAMALA BABBAR MU'UJIZA CE A WURIN TARBIYA

-

Kyayyawar muamalar da kake yi wa 'ya'yanka/ki tana haifar da babban alamari wurin tarbiyarsu, domin ita ce za ta taimaka wurin gina kyakkyawar alaka tasakaninka/ki da su.
Malaman tarbiya sun tabbatar da cewa kashi 70 cikin 100 na rassan da ake concentrating a kansu wurin tarbiya ya tattara ne a cikin kulla kyakkyawar alaka tsakanin iyaye da 'ya'yansu.
Duk lokacin da alaka ta yi rauni tsakanin iyaye da 'ya'yansu duk lokacin da aka samu matsala a wurin tarbiya. Mafi yawan matsalolin tarbiya da suke faruwa a alumma sakamako ne na raunin alaka tsakanin iyaye da 'ya'ya.
Idan ka kyautata muamalarka ga 'ya'yanka lokacin ne za su fi mutuntaka kuma su daukeka mutumen kirki, ganin cewa  mutumen kirki ne a idonsu shi zai sa ka ga duk wani abu na kirki da ka ke yi suna kokarin koyi da kai a kansa.
Idan kuma ka munana muamalarka gare su za ka ga suna gudunka kuma ba sa mutuntaka, koda kuwa ka ga mutuntuwa to a gaban idanunka ne a bayanka za ka sha mamaki, kuma ba za ka cika musu ido ba su rika ganinka mutumen kirki  koda kuwa mutanen suna maka shedar haka.
Abunda ake so ga tarbiya, 'ya'yanka su mutuntaka su soka saboda kana burge su, dalilin burge su da kake yi za ka zama abun koyinsu. Wannan kuwa ba zai samu ba sai idan akwai kyakkyawar alaka tsakaninka da su ta hanyar muamalar da kake musu.
Akwai abubuwa da suke ruguza alaka tsakanin iyaye da 'ya'yansu:
Irin su duka, tsawa, zagi, fada, tonon asiri, tozartawa, sakaci, sangarci, wadannan abubuwa ne da in mutum ya lazimce su a tarbiyarsa ba zai ga sakamako mai kyau ba. Domin ba sa karfafa alaka tsakanin iyaye da 'ya'yansu bal ma sai dai ka ga 'ya'yan suna nesa da iyayen ba wani sirri na su da suke fada musu sai dai in ya bayyana ba da son ransu ba. Wannan tana cikin babbar matsalar da ya sa ake son iyaye su kulla alaka mai kyau tsakaninsu da 'ya'yansu su zama abokanai/kawayensu saboda sanin cikinsu da wajensu. Amma fa ka sani ba yanda zaa yi ka zama aboki/kawar 'ya'yanka alhali kana dukansu ko tozartasu da sauran abunda muka fada a baya.
Hira da yaranka, girmama su, nuna soyayyarka gare su ba tare da wani sharadi ba, jinkayinsu, yaba musu, kau da kai ga abun da bai je ya dawo ba, hakuri da su, lurar da su cikin natsuwa da girmamawa, fahimtarsu, da sauran ire iren wadannan su ne suke jawo kulluwar kyakkawar alaka da kyakkyawar muamala tsakaninka da  'ya'yanka.
Muna rokon Allah ya taimake mu ya ba mu ikon yi wa 'ya'yanmu kyakkyawar muamala don samun babban sakamako a wurin tarbiyarsu
Mu hadu a fitowa ta biu In sha Allah


Kundin Tarbiya
Fatima Bello D/malam
14/6/20

Comments

Post a Comment

Popular posts from this blog

HANYOYIN TARBIYA(1)

-
HANYOYIN DA SUKA DACE KA DORA YARONKA AKANSU DON KYUTATA TARBIYARSA DASA SHI A KAN AKIDA TA KWARAI:   Annabi(SAW) yana cewa “ما من مولود إلا يولد على الفطرة فأبواه يهودانه أو ينصرانه أويمجسانه” Fassara:”ba wani yaro da ake haihuwa face yana akan fidrah(akidah ta kwarai) sai dai iyayensa su maida shi bayahude ko kirista ko bamaguje” Da wannan hadisi ne nake cewa ya kai mai tarbiya dole ne ka jajirce wurin kiyaye wannan fidrah da yaro ya akanta,don idan ka yi sake har ya fada zuwa ga wata mummunar akidah to lallai Allah zai tambaye ka ranar lahira. Annabi(SAW) yana cewa:”كلكم راع وكلكم مسؤول عن رعيته” Fassara:”dukkaninku makiyaya ne kuma kowannenku zaa tambaye shi akan abun kiwonsa”. Wace hanya ce ya kamata ka bi kai mai tarbiya don dasa yaronka a kan akida ta kwarai? Tun farko dai ya wajaba samo masa uwar kwarai wacce ta ginu akan karantarwa ta addini sannan kuma ta koshi da akida ta kwarai Dole ne kiyaye ladubban kwanciya(jimaii) da gabatar da shi akan ka...
Read more

HANYOYIN TARBIYA(4)

-
3.Tarbiyantar da yaro a kan kyawawan halaye: Lallai tarbiyantar da yaro a kan dabiu na kwarai yana daga cikin abunda addinin musulunci ya yi umurni da shi saboda muhimmancin hakan ga mutum da kuma rayuwar alumma. Samar da 'ya'ya na gari ya kan samar da ci gaba ga alumma da kuma  samun makoma mai kyau ga wanda ya sifantu da su. Siffantuwa da kyawawan halaye abu ne mai girma wanda dalilin hakan Allah madaukakin sarki ya yabi Annabinsa(SAW) a kuraninsa mai tsalki inda yake cewa:"وانك لعلى خلق عظيم"fassara "lallai kana a kan halaye masu girma" wato kyawawan halaye. Haka Annabi(SAW) yana cewa a cikin hadisi:"بعثت لأتمم مكارم الاخلاق" fassara "an aiko ni don in cika kyawawan halaye". Wato kyawawan dabiu su ne babban sakon da musulunci yake dauke da shi. Shi ya sa yake daga cikin alamar musulmi na kwarai siffantuwa da halaye na kwarai. Addinin musulunci gaba dayan shi yana misaltuwa ne a cikin kyawawan dabiu kuma imani kansa yana bayyna ta hany...
Read more

HANYOYIN TARBIYA(3)

-
2. Ba wa yaro nagartaccen ilimi: Allah madaukakin sarki a cikin kuraninsa mai tsalki yana cewa"هل يستوي الذين يعلمون والذين لا يعلمون" fassara "shin wadanda suke da  ilimi suna dai dai da wadanda ba su da shi" tabbas ba za su yi daidai ba. Ilimi shi ne mabudin rayuwa duk girman mutum da hankalinsa in ba ya da ilimi za ka ga yana da nakasu(tawaya). To shi ya sa kai me tarbiya za ka jajirce don dora yaronka akan hanyar neman ilimi tun yana karami. Ka samar mishi makaranta ta kwarai wacce take bada nagartaccen ilimi da nagartacciyar tarbiya. Dole ne ka kula da hannun wa za ka danka yaronka. Wasu iyaye saboda kwadayin yaro ya koyi turanci za ka ga sun kai shi makarantar arna inda baa ma kula da addini ba balantana kuma tarbiyarsa.koyon yare irin turanci da wasu yaruka yana da babban amfani ga mutum kamar yanda Annabi (SAW) ya kwadaitar amma sai mutum ya bi ta hanyar da ta dace wacce zai kare yaronsa daga koyon wata akida wacce ba ta dace da akidar musulunci ba.   Ilim...
Read more